Skip Navigation Links
 

رحلة عمرة للأم المثالية من أمهات طلاب جامعة دمنهور شارك معنا وأرسل قصة كفاحها .
..........................
..................................................
كونك امرأة ..  
نتمني نحن طلاب من أجل مصر اننا نشوفك قوية دايما .. ناجحة .. سعيدة  
راضية عن حياتك .. عن انجازتك الصغيرة مهما كانت و الكبيرة 💕🌻 
نتمني نشوفك محققة أهدافك و مبسوطة بيها و مقتنعة تمام الاقتناع بيها .. حتي لو كانت إنك تنقعي فرخة من الصبح للضهر .. المهم تكوني فخورة ب دا بتعمليه بحب 💕👏🙊 
بس انهاردة احنا حبينا نشكر نموذج واحد من النساء بصفة واحدة .. في نهاية المطاف غالبية النساء بتوصل ليه .. طريق ب تسعي اليه كل امرأة 🌻 رغم صعوبته و ألمه .. انها تكون "أم" 🌸 

ملايين الأشعار و النثر و الكتب و الروايات اتكتبوا للأم .. 
فيه 80 مليون مواطن ع الأقل عايشين في مصر .. اكيد عملوا موضوع تعبير عن الأم 🌸
يمكن وقتها كتبناه و احنا منعرفش غير انها" حملتنا في بطنها تسعة أشهر .. تحملت الآلام .. سهرت الليالي .... " 
و نحمل في طيات قلوبنا عظيم الحب للإنسانة اللي كتبنالها موضوع التعبير في وقت اكيد معظمنا مكنش مدرك ليه .. ليه الآلم .. ليه سهرت .. طب دا أثر فيها ازاي !! 💔 
بس احنا كنا مبسوطين بدرجاتنا  و هي كانت مبسوطة بينا و بدرجاتنا و ب نمونا و بحياتنا كلها 🌻🌻💕 
كتير من أمهاتنا كانوا نساء عاملة 🌻 سواء كان عشان هما حابين دا و قادرين يوفقوا و يرتبوا حياتهم  
او كان بالاكراه 💔 .. و كان عشان مصاريف المعيشة او عشان هي مضطرة تصرف علي أيتام او مطلقة ... و الاسباب كتير 💔😞 

ممكن نكتبلك هنا موضوع تعبير او حكمة او مقولة بس احنا هنسيب دا ليكم  
تشاركونا بأفضل اقتباس او حكمة او حتي كلمة بسيطة حابب تعبر بيها عن جنتك 🌻💕 اللي وصلتك انهاردة لكل اللي انت فيه دا 🌸 عبرلها عن حبك سواء منشنتها او حتي ممنشنتهاش .. مش مهم 😂💔 
بس ك طلاب من أجل مصر احنا مبننزلش post من غير استفادة ليك او حاجة تبهجك و تدخل السرور علي قلبك 💕 
so, 
احنا بنطلب من كل طالب و طالبة بجامعة دمنهور 🌻 
انهم يبعتولنا قصص كفاح .. قصص نجاح قصص توصف رحلة شاقة لوالدتك .. عشان نحاول نساعدك تشكرها علي فتفوتة من تعبها من مجهودها آلامها النفسية و الجسدية ..  
حبينا نشكرها بطريقتنا و أفضل قصة حقيقية تستوفي الشروط اللي موجودة في ال post ... 
هنكرمها في حفلتنا اللي هنعلن عن تفاصيلها قريب جدا 👌 و نهديها ..

" رحلة عمرة لبيت الله الحرام" 😍💪👏👏 
جزء من امتنانا لدورها ..
كل أم عظيمة .. 🌻 لكن فيه أم تعبت بزيادة ..عانت أكتر .. 
عشان كدة شروط اختيار الأم المثاليه هي كالآتي 🌻💕 : 

1) أساس اختيار الأمهات المكرمات هو معيار عطاء الأم وإعلاء القيم الإنسانية وقدرتها على الحفاظ على تماسك الأسرة. 
2) إيجاد التوازن بين المسئوليات المتعددة للأم ورعاية الأبناء والتزام الأسرة بمنظومة القيم والقدرة على مواجهة الصعاب.
3) أن يكون جميع الأبناء حاصلين على مؤهل عال ويستثنى الابن المعاق ذهنياً غير قابل للتعليم .

4)تفضيل الأم الأعلى درجة فى السلم التعليمى للأبناء والأم التى استطاعت أن تتعلم مع أبنائها وحصلت على مؤهل
5) الأم العاملة أو التى لها زوج مريض أو الأرملة والمطلقة.

-آخر موعد لتلقى القصص 
يوم الخميس الموافق ٢٨ مارس .
يتم إختيار الأم المثالية من لجنة... 
برعاية أ.د/ عبيد صالح رئيس الجامعة .
ورئاسة أ.د/نبيل بكير عميد كلية الطب البيطرى ومنسق طلاب من أجل مصر بالكلية .
وعضوية كلا من :
-د.عمرو هيكل منسق عام الأنشطة الطلابية ومنسق عام طلاب من أجل مصر المركزية .
-د.عبير أبو المجد منسق الأنشطة الطلابية بكلية التجارة ومنسق طلاب من أجل مصر بالكلية .
وسكرتارية ..
-أ.كريم عامر مدير إدارة الأسر الطلابية بالإدارة العامة لرعاية الطلاب .

خالص تحياتنا للجميع وحفظ الله مصر وشعبها وحفظ الله جميع أمهاتنا .
-- ^ #شير بقى للبوست متنسوش علشان الكل يشارك .

أخر تحديث للصفحة : 08/04/2019 03:27 PM
عدد القراءات : 89

جميع الحقوق محفوظة لجامعة دمنهور © 2016
تصميم وتنفيذ مشروع البوابة الإلكترونية